Një sfidë që po qarkullon në TikTok u kërkon njerëzve të ndajnë “tatuazhin më idiot që keni bërë ndonjëherë”, dhe një grua nga Kentucky e merr çmimin e parë, njofton Insajderi.
Sipas Buzz Feed, 25-vjecarja Leah Holland, kishte dashur të bënte këtë tatuazh specifik për dy vjet para se ta bënte më në fund.
“Kisha një mik që më tregoi këtë shprehje”, tha ajo për BuzzFeed Neës. “Ne thjesht po flisnim për gjëra që ne me të vërtetë i admirojmë tek të tjerët, dhe ai tha,” Ju me kurajë dhe rrënjësisht refuzoni të mbani një maskë”.
Ajo tha se është lloji i personit që mendon se është e pakuptimtë të pretendosh se je diçka që nuk je, kështu që asaj i pëlqeu thënia mjaftueshëm sa ta gdhendte në lëkurën e saj.
Kështu që e bëri atë më 4 mars, 2020. Dy ditë më vonë, Kentucky njoftoi rastin e parë të COVID-19.
Në fillim, dukej në rregull. Pastaj gjithçka u përkeqësua.
“Supozova se ndoshta do të duhej të mbanim maska dhe sende. Nuk e mendoja që do të kishte persona kundër maskave”, tha ajo.
Për të qenë të qartë, Holland vetë nuk është kundër maskave, por ajo ishte aq e shqetësuar për njerëzit që mendonin se ishte një tatuazh që përcillte mesazhin që maskat nuk duheshin vënë.
“Unë e kalova tërë verën duke veshur bluza me mëngë të gjata në mënyrë që të mos mund të keqinterpretohej”, tha ajo. “Për pjesën më të madhe të verës, isha e tmerruar”.
Ndërsa Holland tha se koha e tatuazhit të saj është shumë për të ardhur keq, tani është qesharake. /Insaajderi.com
