Gazeta Insajderi ka siguruar një letër që Albin Kurti ia ka dërguar Vjosa Osmanit.
Në të tregohet për një marrëveshje të fshehtë që Hashim Thaçi e ka nënshkruar më 2013.
Atë botë nga pozita e kryeministrit ai i barti KFOR-i të drejtën apsulute të vetos mbi të gjitha misionet e ardhshme të FSK-së në veri të Kosovës për periudhë të paafatizuar.
Ekskluzive: Albin Kurti zbulon marrëveshjen e fshehtë të Hashim Thaçit – rrezikon shkarkimin
Marrëveshja e ka formën e një shkëmbimi të letrave ndërmjet ish-kryeministrit Hashim Thaçit dhe sekretarit të Përgjithshëm të atëhershëm të NATO-s, Andres Fogo Rasmussen, shkruan Insajderi.
“Pasi e pranova zyrtarisht detyrën e kryeministrit të Republikës së Kryeministrit, i kërkova stafit të zyrës të kryeministrit që pa vonesë ta analizojë përmbajtjen e kësaj marrëveshje sekrete si dhe implikimet e saj kushtetuese përkatësisht në lidhje më kërkesat kushtetuese të përcaktuara me Nenin 20 (bartja e sovranitetit) Neni 18 (ratifikimi i marrëveshjeve ndërkombëtare) dhe Neni 91 (shkarkimi i Presidentit)”, thuhet tutje në letrën e siguruar nga Insajderi.
Kështu kryeministri Albin Kurtit pritet që marrëveshjen e Hashim Thaçit ta dërgojë në Kushtetuese për interpretim.
Thaçi shkeli Kushtetutën, qeveria pritet ta dërgojë në Kushtetuese
Gazeta Insajderi ka shkruar Zyrës së Presidentit rreth kësaj çështjeje, por të njëjtit ende nuk janë deklaruar.
Shefi i Kabinetit të Presidentit, Bekim Çollaku, ka thënë se Zyra e Presidentit për këtë çështje do të deklarohet gjatë ditës.
Megjithatë Çollaku i cili gjendet në Uashington së bashku me Hashim Thaçin ka zgjedhur që në Twitter të flas për dialogun dhe çështjen e liberalizimit të vizave.
Ai ka thënë se “roli i suksesshëm i BE-së në dialogun për normalizimin varet nga besueshmëria e tij në Kosovë”.
I njëjti ka shkruar se Kosova s’ka liberalizim të vizave, pavarësisht se shteti i ka plotësuar të gjitha kushtet./Insajderi.com
EU’s sucessful role in normalisation dialogue depends on its credibility in #Kosovo. No visa liberalisation despite fulfilled of unfair and asymmetrical conditions together with appointment of an Envoy from a non-recognising country are prime ingredients of a recipe for faliure.
— Bekim Çollaku (@bcollaku1) February 26, 2020