Xheli aloe vera është magjia bimore që na duhet këtë verë për të larguar problemet e lëkurës dhe flokëve. Ja 5 mënyra se si aloe vera mund të jetë shpëtimtari ynë!
Nga egjiptianët e lashtë deri tek aplikimet dermatologjike të ditëve moderne, kjo bimë vërtet i ka mbijetuar kohës.
Sipas Indian Journal of Dermatology, aloe vera është e pasur me vitamina A, C, E, B12 dhe është e mbushur me minerale. Pra, xhel i nxjerrë nga kjo bimë ndihmon në trajtimin e çështjeve që fillojnë nga plagët deri në plakjen e lëkurës.
- Dehidratimi dhe plakja e lëkurës
Aminoacidet në xhel aloe vera ndihmojnë në hidratimin e lëkurës dhe e bëjnë atë më elastike, si dhe më pak të rrudhur. Bima në vetvete lulëzon në klima të thata dhe kështu, si një mekanizëm natyror, është e kushtëzuar që të depozitojëujin në gjethet e saj, të cilat kur kombinohen me aminoacidet dhe karbohidratet komplekse të pranishme në bimë, krijojnë një agjent hidratues fantastik për lëkurën .
- Ndihmon në shërimin e plagëve
Aloe vera është njohur historikisht si një agjent shërues dhe kjo karakteristikë mbrojtjes së lëkurës madje gjen mbështetje në kërkimet shkencore moderne. Xheli, kur aplikohet në një plagë, rrit kolagjenin, duke përshpejtuar kështu kontraktimin e plagës dhe zvogëlon dukshmërinë e plagës.
- Mund të zvogëlojë rënien e flokëve
Aloe vera përmban enzima proteolitike të cilat dihet se riparojnë qelizat e vdekura të lëkurës në lëkurën e kokës. Jo vetëm kaq, xheli vepron si një kondicioner i shkëlqyeshëm dhe mund t’i bëjë flokët tuaj të lëmuar dhe me shkëlqim.
- Mund të luftojë pllakat dentare dhe kavitetet
Aloe vera dihet gjithashtu se është një masë efektive për problemet që lidhen me dhëmbët. Për shkak të pranisë së komponimeve antrakinone që shërojnë në mënyrë aktive dhe zvogëlojnë dhimbjen përmes efekteve natyrore anti-inflamatore, xheli aloe vera mund të ndihmojë me dhimbjen e dhëmbëve dhe të zvogëlojë ënjtjen.
- Aloe Vera mund të mbrojë lëkurën tuaj nga dielli
Aloe vera vlerësohet se ka efekte mbrojtëse kundër dëmtimit të rrezatimit. Karakteristikat e tij antioksiduese ndihmojnë në sintetizimin e proteinave në lëkurën tonë për të parandaluar efektet e dëmshme të shkaktuara nga rrezet ultravjollce.
