Ndërsa vetëdija po rritet gradualisht për sa i përket “Covid-it të gjatë” tek të rriturit, ende mbetet shumë e panjohur për ndonjë ndikim të mundshëm afatgjatë te fëmijët, shkruan CNN, transmeton Insajderi.
Prindërit, fëmijët e të cilëve kanë javë që luftojnë simptomat si lodhja, marrja e frymës, dhimbjet e gjoksit, diarreja dhe dhimbje në këmbë, thonë që ka pak informacione në dispozicion për të ndihmuar në udhëheqjen e rimëkëmbjes së tyre – një situatë akoma më shqetësuese duke pasur parasysh rikthimin e afërt në shkollë.
Ndërsa simptomat Covid-19 janë përgjithësisht më të buta tek fëmijët sesa tek të rriturit, me një gjasë shumë më të ulët se ata do të kenë nevojë për shtrim në spital, virusi ende mund të përbëjë një rrezik për shëndetin e fëmijëve.
Rekomandohet që prindërit e fëmijëve me “simptoma të vazhdueshme” të kërkojnë ndihmë përmes ofruesve të tyre të kujdesit parësor për të siguruar që sëmundje të tjera të mundshme nuk mbesin pa u diagnostikuar. /Insajderi.com
