Për shumë nga ne, zahiretë e dimrit janë të paimagjinueshme pa ajvar. Prandaj, po ndajmë me ju recetën për përgatitjen e ajvarit të përsosur shtëpiak.
Përbërësit:
10 kg speca të kuq
3 kg patëllgjan
2-4 copa feferona
2-3 lugë gjelle uthull akoolike
2-3 hudhra
1 l vaj
afro 5 lugë kripë
Përgatitja:
Specat lajini e thajini mirë. Piqini në furrën e parangrohur në 225 gradë ose në skarë, derisa të skuqen lehtë e të mund t’u qërohet lëvorja.
Step 2
Pas pjekjes, specat mbulojini me një pecetë të pastër e lërini të pushojnë e ftohen pak (afro gjysmë ore).
Step 3
Njëkohësisht piqini patëllxhanët në temperaturën e njëjtë porsi specat. Varësisht nga madhësia, patëllxhanët piqen për 30-40 minuta.
Step 4
Më pas ftohini e pas ftohjes qërojini bashkë me specat. Më pas bluajini në makinë mishi ose në blender.
Step 5
Në një enë të madhe ngroheni 1 litër vaj e pastaj shtojani masën me speca e patëllxhanë. Ziejini bashkë për 2-3 orë në temperaturë të ulët duke i përzier vazhdimisht, derisa të fitoni dendësinë e dëshiruar të ajvarit.
Step 6
Më pas, kavanozët e qelqit –të larë e të tharë më parë, sterilizojini bashkë me kapakët në furrën e parangrohur në 100 gradë për 15-20 minuta.
Step 7
Pas nxjerrjes nga furra, kavanozët e nxehtë mbushen menjëherë me ajvar të nxehtë. Kujdesuni që në grykë të kavanozit të lini të paktën 1 cm hapësirë të zbrazët.
Step 8
Në një enë tjetër ngrohini edhe 200 ml vaj e këtë vaj hidhjani ngapak secilit kavanoz të mbushur me ajvar.
Step 9
Kavanozët e mbushur, mbyllini me kapakë e më pas mbështillini me një napë të pastër. Lërini të ftohen tërësisht.
Step 10
Pas 24 orësh, ajvarin transferojeni në një vend të ftohtë e të errët.
Step 11
Ajvari më së shumti përdoret si shtesë në salcat për mish, suxhuk ose për ushqimet e skarës. Por ai mund të përdoret edhe për thjeshtë lyerjen e rriskave të bukës.
Ju bëftë mirë.
