S’ka asgjë më të rehatshme se pizhamet shumë të ngrohta që i nxjerrim t’i veshim sapo temperaturat të bien e të bëhet acar.
Sic shkruan Birght Side, ka një anë negative për pizhamet tona të preferuara. Çka ne veshim për të fjetur, mund të ndikojë në gjumin, pamjen madje edhe shëndetin tonë, njofton Insajderi.
Ndikon në cilësinë e gjumit tuaj.
Të flesh në pizhame shumë të ngrohta do ju shkaktojë shqetësim pasi trupi juaj ka nevojë të ruajë temperaturën e duhur gjatë gjithë natës. Pëlhura ideale për kohën e gjumit është pambuku, pasi lejon lëkurën tuaj të marrë frymë dhe ju ndihmon të qëndroni të qetë.
Mund t’ju shkaktojnë puçrra.
Kur djersiteni në gjumë, kjo mund të çojë në një lloj specifik të puçrrave, të njohura si puçrra djerse.
Kombinimi i nxehtësisë dhe fërkimit nga pizhamet tuaja të djersitura mund të shkaktojnë pore e bllokuara, të cilat nga ana tjetër, do t’ju japin më shumë acarim të lëkurës.
Zgjedhja e veshjeve të natës të bëra nga pëlhura bambu mund të ndihmojë në parandalimin e puçrrave, pasi kjo pëlhurë ka veti antimikrobike.
Është edhe më i butë dhe më thithës se pambuku dhe mund të jetë pikërisht ajo që ju duhet për të fjetur mirë.
Mund të shkaktojë infeksione.
Nëse djersiteni natën, keni më shumë mundësi të krijoni një infeksion të lëkurës. Bakteret rriten më mirë në vende të lagështa dhe të errëta, dhe kur mbuloheni me shtresa rrobash të ngrohta dhe një batanije, në të vërtetë mund të krijoni terren të përsosur për mikrobe.
Mund të ndikojë në shëndetin riprodhues.
Burrat që nuk veshin pizhame të poshtme natën mund të përmirësojnë cilësinë e spermatozoideve të tyre, sipas një studimi.
Kur shkoni në shtrat me të brendshme të ngushta ose pizhame të ngrohta, rajoni juaj gjenital ka më shumë të ngjarë të djersitet.
Mund të ndikojë gjithashtu në pjellorinë e grave pasi djersa e tepërt mund të çojë në inflamacion dhe infeksione. /Insajderi.com
