Bordi i përkohshëm i Kompanisë Rajonale të Ujësjellësit “Hidroregjioni Jugor”, i emëruar javën e kaluar nga Qeveria e Kosovës, ka shkarkuar sot Besim Baraliun, kryeshefin e ndërmarrjes.
Në mbledhjen e mbajtur të martën, bordi i drejtorëve të KRU “Hidroregjioni Jugor” i ka ndërprerë Baraliut kontratën e punës.
Ndonëse ende nuk janë bërë të ditura arsyet e shkarkimit të Baraliut, dyshohet se shkak për shkarkimin e tij janë problemet që ish-kryeshefi ka pasur me ligjin.
Drejtori e rrahu punëtorin me grushte kokës, Gjykata në Prizren e dënon me gjobë
Dy vjet më parë, Gjykata Themelore në Prizren e ka shpallur fajtor Baraliun për sulmin fizik ndaj një punëtori dhe shkaktimit të lëndimeve të lehta trupor.
Baraliu ishte dënuar me gjobë në vlerë 500 euro për veprën e lartcekur.
