Një mashtrues japonez është kapur me dyshimet se ka mashtruar mbi 35 gra të ndryshme me të cilat ai pretendonte se ishte në një lidhje serioze, shkruan NY Post, transmeton Insajderi.
Takashi Miyagawa, një punëtor 39-vjeçar me kohë të pjesshme pa adresë fikse në Kansai, u tha secilës prej “të dashurave” data të ndryshme të ditëlindjes në mënyrë që ai të mund të merrte dhurata, njoftoi Neësflash.
Gjatë gjithë kohës, të dashurat e tij – dukshëm të verbuara nga dashuria – ishin plotësisht të pavëmendshme për ekzistencën e njëra-tjetrës.
Në mashtrimin më të fundit, mashtruesi serik i tha një të dashure 47-vjeçar se ditëlindja e tij ishte më 22 shkurt – pavarësisht se ditëlindjen e kishte me 13 nëntor. Një tjetër viktimë tha se ai e bindi atë që ditëlindja e tij ishte në korrik, ndërsa një e tretë u mashtrua duke menduar se e kishte në prill.
Transmetuesi japonez MBS kohët e fundit lëshoi fotografi që tregojnë Miyagawa me shumë gra të ndryshme, përfshirë një që përshkruan një tryezë me dy ëmbëlsira dhe një shënim që thotë “Gëzuar ditëlindjen”.
Gjithë ky mashtrim i siguroi dhurata prej 100,000 JPY (ose 929,44 dollarësh) në rroba dhe para.
Miyagawa thuhet se ishte takuar me gratë beqare ndërsa u shiste atyre kokat e dushit me hidrogjen dhe produkte të tjera për një kompani pa emër dhe filloi çdo marrëdhënie nën supozimin se martesa ishte hapi i radhës. /Insajderi.com
