Nëse kaloni shumë kohë me fëmijën tuaj, ai mund të jetë më i interesuar të kalojë kohë me prindin tjetër.
Mund të mos ju vijë mirë kur shihni që fëmija juaj qëndron më shumë me partnerin edhe pse keni kaluar shumë kohë me të dhe keni derdhur shumë djersë. Por ka gjëra që mund të bëni që të luani një rol më të madh në jetën e fëmijës suaj, dhe për këtë“Bright Side” tregon se çfarë mund të bëni në këto situata.
Mundohuni të kuptoni pse ndodh kjo.
Nëse kaloni shumë kohë me fëmijën tuaj, ai mund të jetë më i interesuar të kalojë kohë me prindin tjetër. Dhe anasjelltas, mund të ndodhë që fëmija juaj të preferojë prindin që kalon më shumë kohë me ta pasi ai prind e di se për çfarë ka nevojë. Për të zgjidhur këtë problem, ju dhe juaj mund të përpiqeni të kaloni njëlloj kohë me fëmijët.
Mos harroni se do të kalojë.
Fëmijët shpesh preferojnë njërin prind dhe kjo është mënyra e tyre për të treguar pavarësinë. Fëmija dëshiron të jetë në gjendje të bëjë zgjedhjet e tij. Për shembull, nëse nëna është ajo që u lexon atyre një histori para gjumit çdo natë, është e kuptueshme që ata e zgjedhin atë në vend të babait. Pra, nëse nuk jeni i preferuari i fëmijës tuaj për një aktivitet të caktuar, mbani mend se kjo nuk do të thotë se ata ju duan më pak.
Për më tepër, është e vështirë për fëmijët e vegjël të kuptojnë se është e mundur të duash në mënyrë të barabartë dy persona në të njëjtën kohë. Vogëlushët mund të tërhiqen më shumë nga mamaja në një moment, dhe më pas nga babai i tyre në një moment tjetër. Ndoshta gjithçka që duhet të bëni është t’i jepni fëmijës pak kohë për t’u rritur.
Kontrolloni ndjenjat tuaja.
Kur doni të bëni diçka me fëmijën dhe ata duan që ta bëjën me partnerin tuaj, është e kuptueshme që mund të ndiheni të lënduar. Sidoqoftë, përpiquni të mos bëheni shumë emocionalë dhe të sulmoni fëmijën për shkak të kësaj.
Ju madje mund t’i thoni që ndiheni të trishtuar kur ata zgjedhin partnerin tuaj m gjatë gjithë kohës, por përpiquni ta bëni me qetësi, pa e bërë fëmijën të ndihet fajtor për zgjedhjen e tij. Kjo do t’ju ndihmojë të komunikoni më mirë me fëmijën dhe njëkohësisht mund t’i mësojë atij ndjeshmërinë.
Mundohuni ta vini veten në vend të fëmijës.
Ndonjëherë fëmijët mund të refuzojnë ndihmën tuaj sepse duan që prindi tjetër t’i ndihmojë, edhe pse ai prind nuk është i disponueshëm për momentin. Mos u zemëroni dhe tregojini fëmijës se i kuptoni ndjenjat e tij.
Kujtojini vetes se sa i vlefshëm jeni.
Ju mund të ndiheni të mërzitur kur fëmija zgjedh partnerin tuaj, por mos lejoni që kjo t’ju bëjë të ndiheni sikur jeni një prind i keq. Preferencat e fëmijës nuk përcaktojnë vlerën tuaj.
Mos harroni për kufijtë.
Sado që të dëshironi t’i nënshtroheni tekave të fëmijës tuaj në mënyrë që ata të fillojnë t’ju pëlqejnë më shumë, është e rëndësishme të vendosni dhe mbani kufijtë. Përndryshe, fëmija juaj mund të mësojë t’ju manipulojë. Dhe është gjithashtu e rëndësishme që ju të mos jeni i vetmi që thoni “jo” apo të rreptë, sepse edhe partneri duhet të bëjë të njëjtën gjë.
Përmendni anët pozitive të prindit tjetër.
Mundohuni të theksoni anët e mira të partnerit tuaj kur jeni me fëmijën. Ju mund të vini në dukje atë që është e ngjashme mes jush dhe partnerit, veçanërisht nëse ndani karakteristikat që fëmija juaj i pëlqen tek ju. Dhe gjithashtu mund të flisni për gjërat që e bëjnë partnerin tuaj unik. Përpiquni të përqendroheni tek gjërat që fëmija juaj i pëlqen, të cilat vetëm partneri mund t’i bëjë. Atëherë mund t’i kërkoni fëmijës të emërojë disa gjëra që i pëlqejnë tek ju dhe partneri./Insajderi.com
