Fjetja ka përfitimet e veta, nga rritja e humorit dhe e produktivitetit deri te fuqizimi i një zemre të fortë. Sidoqoftë, kjo do të thotë që mungesa e gjumit mund të na shkaktojë shumë probleme shëndetësore, si fizikisht ashtu edhe mendërisht.
Një efekt shumë real dhe potencialisht i rrezikshëm i privimit të gjumit është i ashtuquajturi “gjumë i vogël”. Kjo dremitje e pavullnetshme mund të ndodhë rastësisht, edhe gjatë një detyre ose aktiviteti të rëndësishëm, pa e kuptuar as vetë ne, shkruan Bright Side, transmeton Insajderi. Mund të ndodhë në shkollë, në punë, apo edhe gjatë ngasjes, gjë që e bën atë një gjendje shumë të rëndë.
Mungesa e gjumit prodhon kortizol, i cili mund të shpërbëjë kolagjenin, proteina që e mban lëkurën tonë “të re”. Personat që flenë mirë kanë rezultate më të ulëta të plakjes së lëkurës sesa ata që flenë keq.
Në një studim, 26 subjekte ishin të privuar nga gjumi për vetëm 2 ditë dhe ata kishin për detyrë të jepnin gjykimet e tyre mbi dilemat e ndryshme morale. Rezultatet sugjeruan që, për shkak të privimit të gjumit, ishte më e vështirë për njerëzit t’u përgjigjeshin pyetjeve komplekse morale.
Sipas profesorit David Dinges, privimi i gjumit mund të ketë efekte të ndryshme negative emocionale tek një person. Ne e dimë që na bën të çuditshëm dhe nervoz, por gjithashtu na e bën më të vështirë për të treguar emocione pozitive në fytyrat tona, dhe do të ishte më e vështirë për ne të tregonim kur dikush tjetër është i lumtur. Sepse qoftë në fytyrën tonë apo të dikujt tjetër, një shprehje pozitive mund të duket neutrale ndaj personit mesatar të privuar nga gjumi.
Mos fjetja për periudha të gjata kohore mund të prodhojë një sërë përvojash, duke përfshirë shtrembërimet perceptuese dhe halucinacionet. Simptomat psikotike zhvillohen aq më shumë jemi zgjuar. Ato mund të variojnë nga keqkuptime të thjeshta vizive deri te halucinacione dhe iluzione dhe mund të përfundojnë në një gjendje që i ngjan psikozës akute. Kjo mund të zgjidhet duke fjetur mjaftueshëm. /Insajderi.com
