Ndërsa COVID-19 vazhdon të riorientojë jetën tonë të përditshme, hulumtimi i ri po na jep një vështrim më të thellë se si pandemia po ndikon te burrat në Shtetet e Bashkuara.
Një sondazh i ri në internet ekzaminoi se si shpërthimi i Coronavirusit ka ndikuar tek burrat mendërisht dhe fizikisht, si dhe ka ndikuar në sjelljet e tyre të përditshme shëndetësore, njofton Insajderi.
Ekipi i sondazhit të Klinikës Cleveland kontaktoi rreth 1000 meshkuj të rritur, 18-vjeçarë ose më shumë, në të gjithë vendin.
Ata zbuluan se 77 për qind e të anketuarve thanë se nivelet e tyre të stresit u rritën gjatë pandemisë, ndërsa 59 për qind raportuan se ndiheshin të izoluar.
Rreth 45 për qind thanë se shëndeti i tyre emocional dhe mendor ra gjatë kësaj periudhe të vështirë.
Të dhënat gjithashtu treguan se kjo ka qenë një periudhë më shqetësuese për meshkujt e rritur se krizat e kaluara – me 59 për qind duke thënë se COVID-19 kishte një ndikim negativ më të madh në shëndetin mendor sesa recesioni ekonomik i vitit 2008.
Sondazhi tregon një vështrim të detajuar tek burrat në Shtetet e Bashkuara – si të gjithë grupet e tjera demografike, ata nuk janë një monolit, me COVID-19 që ndikon tek ata në shkallë të ndryshme. /Insajderi.com
