Bishtaleci ndonjëherë është modeli më i lehtë dhe më praktik për flokë. Mund t’i kapni në atë formë në shtëpi, me pizhame, kur dilni për kafe, apo edhe në tapetin e kuq me një fustan të bukur dhe taka të larta – ashtu siç kanë bërë shumë herë të famshmit tanë të preferuar.
Por është e rëndësishme të keni kujdes se sa shpesh i kapni flokët kështu. Nëse e keni zakon t’i tërhiqni flokët shumë fort dhe t’i mbani ashtu gjatë gjithë ditës, mund të përballeni me disa probleme të pakëndshme në planin afatgjatë.
Ju mund të vuni nga migrena.
Dhimbja e kokës nga bishtaleci është shumë reale. Është një lloj alodinie, që do të thotë se një gjë normale shkakton dhimbje. Flokët tuaj nuk janë të ndjeshëm ndaj dhimbjes, por nën gjëndrat e flokëve tuaj, ka nerva që mund të shkaktohen nga tërheqja e fortë dhe ato mund të ndiejnë dhimbje.
Mund të përjetoni dhimbje shpine.
Skalpi juaj mund të jetë nën shumë stres, veçanërisht nëse keni flokë të trashë. Dhimbja shfaqet dhe mund të përhapet deri në qafë dhe në shpinë. Kjo ndodh sepse ju aktivizoni nervat ndijor edhe më shumë duke i detyruar të gjitha ato flokë të qëndrojnë lart. Dhe ne shpesh përdorim një llastik flokësh shumë të vogël për ta bërë këtë.
Lëkura në fytyrën tuaj mund të shtrihet.
Bishtaleci nuk është aspak i mirë për lëkurën tuaj sepse humbet elasticitetin e saj. Me kalimin e kohës, do të dukeni më e moshuar. Nëse i mbani flokët të kapur në këtë model dhe fort të tërhequr çdo ditë, lëkura juaj mund të qëndrojë e shtrirë për një periudhë më të gjatë kohore.
Ju mund të zhvilloni alopeci.
Alopecia tërheqëse është një lloj specifik i humbjes së flokëve përgjatë vijës së flokëve, dhe kjo ndodh kur tensioni aplikohet në flokë. Kontrolloni kokën tuaj për gunga të vogla. Ju gjithashtu mund të ndjeni butësi ose një ndjesi kore. Për fat të mirë, ju mund të bëni që flokët tuaj të rriten normalisht nëse nuk praktikoni shpesh bishtalecin. /Insajderi.com
