Shpeshherë keni lexuar dhe dëgjuar që kafeja nuk është edhe aq e shëndetshme. Por në fakt ka disa përfitime shëndetësore si këto të mëposhtmet:
Kafeja mund të ndihmojë në zvogëlimin e rrezikut tuaj për Alzheimer
Fatkeqësisht, nuk ka shërim për Alzheimerin, çrregullimi që ngadalë shkakton humbje të kujtesës dhe rënie mendore. Por kafja mund të ndihmojë në uljen e rrezikut të zhvillimit të tij. Një përmbledhje e hulumtimit e vitit 2006 e botuar në Neurology Research zbuloi se pirja e niveleve të larta të kafesë shoqërohej me një ulje të 30 përqind të rrezikut të Alzheimerit.
Kafeja mund të ndihmojë në mbrojtjen nga demenca
Kafeja është goxha e fuqishme – sidomos kur bëhet fjalë për demencën. Në një studim të vitit 2017 të botuar në revistën Scientific Reports, studiuesit gjetën 24 komponime që mund të forcojnë një enzimë të trurit që mbron nga demenca – dhe kafeina është një prej tyre.
Kafeja mund të ndihmojë në uljen e lodhjes mendore
Pas një nate shumë të gjatë në zyrë, nuk është e pazakontë të përjetoni lodhje mendore. Nëse doni ta riktheni shëndetin tuaj në rrugë të mbarë për të shmangur problemet më serioze shëndetësore, pini kafe: Një përmbledhje e vitit 2010 në revistën Nutrition ka gjetur se kafeina mund të ndihmojë në uljen e rraskapitjes që ndjeni.
Kafeja mund të ndihmojë në përmirësimin e kohës së reagimit
Ndiheni pak të ngadaltë kohët e fundit? E gjitha që mund të duhet për ta rikthyer trupin tuaj për të punuar me një ritëm normal është pak kafe. Një studim i vitit 2005 nga Shoqëria Radiologjike e Amerikës së Veriut zbuloi se nuk duhen shumë – vetëm disa gota – për të përmirësuar kohën tuaj të reagimit, duke ju bërë më të vëmendshëm ndaj diçkaje që kërkon reagim të shpejtë.
Kafeja mund të ndihmojë në uljen e depresionit
Nëse pirja e një filxhani ose dy kafe ka tendencë të bëjë që të ndiheni mirë mendërisht, ekziston një arsye për këtë: Një studim i vitit 2014 i botuar në Gazetën Botërore të Psikiatrisë Biologjike zbuloi se kafeja në të vërtetë vepron si një antidepresant i butë duke nxitur neurotransmetuesit në tru. /Insajderi.com
