Ëndrrat në të cilat dhëmbët ju bien janë prej më të shpeshtat dhe më të zakonshmet, por a e keni ditur domethënien e kësaj ëndrre?
Pas 90 minutash që keni rënë në gjumë, trupi do të hyjë në fazën REM (Rapid Eye Movement).
Në këtë gjendje njeriu sheh rreth 5 ëndrra, mirëpo shumica prej tyre nuk kanë kuptim kur zgjohemi, raporton The Huffington Post, shkruan Insajderi.
Mirëpo duhet pasur parasysh fakti se shpesh ëndrrat mund të reflektojnë dëshira, frika e informata për të cilat nuk jemi të vetëdijshëm dhe prej të cilave mund të mësojmë shumë për veten tonë.
Të ëndërrosh se po të bien dhëmbët, është shumë e zakonshme, mirëpo kjo nuk do të thotë se duhet të shkoni te dentist.
Psikoterapisti Jungian Richard Nicoletti thotë: “Këto ëndërra zakonisht kanë të bëjnë me aftësinë e ëndërruesit për tu përballur me përvoja emocionale. Mund të ketë të bëj me ndonjë lloj sëmundje, e cila na ndryshon ritmin e zakonshëm. Nëse dhëmbët i bien një personi tjetër, jo atij që sheh ëndrrën, kjo do të thotë që ëndërruesi mund të ketë probleme të pazgjidhura me të.”/Insajderi.com
