Nëse keni një kafshë shtëpiake në shtëpi, mund të keni rregulla që caktojnë se ku lejohet të hyjë e ku jo.
Është shumë e zakonshme, që kafshët të mos lejohen të futen në dhomën tuaj të gjumit.
Sidoqoftë, nëse keni një rregull të tillë, ju propozojmë ri mendoni pozicionin tuaj pasi rezultatet e një studimi të ri kanë nxjerrë në pah disa përfitime interesante të qenve në dhomën tuaj – ose më saktësisht, në shtratin tuaj, shkruan Mirror, transmeton Insajderi.
Sipas një studimi të rishfaqur nga 2018 nga studiuesit në Canisius College në Buffalo, Neë York, fjetja me qenin tuaj në shtrat është në të vërtetë një gjë e mirë dhe mund t’ju ndihmojë të bëni një gjumë më të mirë të natës.
Christy L. Hoffman, PhD, anketoi 962 gra në Amerikë, duke i pyetur të gjitha për zakonet e tyre të gjumit.
Gjetjet e saj treguan se 57 për qind e grave ndanin shtratin e tyre me një njeri tjetër, 55 për qind me një qen dhe 31 për qind flinin me një mace në shtratin e tyre.
Ata që flinin përkrah qenit në shtratin e tyre u zbulua se kishin më shumë të ngjarë të kishin një gjumë më të qetë se të tjerët, pasi modelet e gjumit të qenve përkojnë ngushtë me ato njerëzore.
Studimi theksoi gjithashtu se ata që ndanin një shtrat me këlyshin e tyre kishin më shumë gjasa të shkonin në shtrat më herët dhe të ngriheshin edhe më herët.
Lajm i shkëlqyeshëm për të zotët e qenve – por jo për ata me mace. Gjetjet treguan se macet janë po aq përçarëse në shtrat sa partnerët njerëzorë. /Insajderi.com
