Ish-ministri: Kurti dikur rrotullonte xhipat e EULEX-it, tash nuk dëshiron t’i dëgjojë padrejtësitë e tyre

Ish-ministri i Tregtisë dhe Industrisë, Endrit Shala, ka thënë se kryeministri i Kosovës Albin kurti, “dikur rrotullonte xhipat e EULEX-it, ndërsa tash nuk i dëgjon as ata që flasin hapur kundër këtij misioni”.

Deklarata e Shalës erdhi pasi Ish-kryetari i gjykatësve të EULEX, Malcolm Simmons, ka thënë se “i ka shkruar Kurtit letër, por ai nuk është i përgjigjur”.

Këtë, Shala e ka quajtur “transformim të pushtetit”.

“Pushteti po e transformon! Sa ishte në opozitë Albin Kurti ishte në kundërshtim të EULEX-it, rrotullonte edhe xhipat e tyre! Tash që është në pushtet nuk merr mundin madje as të dëgjojë dikënd që flet hapur për padrejtësitë e EULEX-it! Hipokrizia vazhdon”, ka shkruar Shala në Facebook. /Insajderi.com