Ka disa simptoma që shoqërohen më gjerësisht me COVID sesa kollitja, ethet dhe gulçimi. Por një studim i ri ndërkombëtar sugjeron që ekziston një grup tjetër simptomash që mund të zbulojnë një rast të Coronavirusit me shumë më shumë saktësi: humbja e shijes dhe të nuhaturit, njofton Insajderi.
Ata zbuluan se anosmia dhe agjezia (termat klinikë përkatësisht për humbjen e nuhatjes dhe shijes), ishin “të pranishme”, dhe “një sinjal i besueshëm COVID-19, pavarësisht nga platforma e mbikëqyrjes pjesëmarrëse ose politika e testimit”.
Në fakt, këto dy simptoma treguese ishin “vazhdimisht parashikuesi më i fortë i infeksionit COVID-19 në të gjitha platformat me kalimin e kohës”, shpjeguan studiuesit.
Dhimbje koke
Sipas një studimi të botuar në JAMA Neurology, afërsisht tetë në 10 pacientë me COVID përjetojnë simptoma neurologjike dhe dhimbjet e kokës janë më të zakonshmet midis tyre.
Dhimbje të fytit
Në mënyrë të ngjashme, dhimbja e fytit mund të jetë rezultat i një ftohjeje apo gripi- për të mos përmendur një sërë mundësish të tjera. Por, në vend që të supozojmë se nuk ka lidhje, ju gjithmonë duhet ta merrni dhimbjen e fytit seriozisht si një shenjë e hershme e mundshme e COVID.
Lodhja
Nëse e shihni veten duke përjetuar një valë të papritur rraskapitjeje, lodhja juaj mund të jetë një shenjë e hershme që keni kontraktuar Coronavirus-in.
Ethe
Ethe është mbase simptoma më e njohur e COVID. Shpesh, pacientët me COVID do të paraqiten me ethe së pari, ose do të jetë shenja e vetme e sëmundjes. /Insajderi.com
