Përfundimisht nuk do të falet Kurban Bajrami, njofton Insajderi.
Lajmin e ka bërë të ditur myftiu i Kosovës, Naim Tërnava, në një prononcim për media.
Sipas Tërnavës, kjo po bëhet për ta mbrojtur shëndetin publik, kur dihet se Kosova, njëjtë si të gjitha shtet e tjera të botës po përballet me Pandeminë.
Tërnava gjithashtu u ka bërë apel qytetarëve që të mos ketë as vizita familjare.
Vendimi i myftiut, Naim Ternava vjen vetëm një ditë pasi Krye-imami i Kosovës, Sabri Bajgora, të mërkurën për Insajderi.com ka thënë se do të ketë falje të namazit të Kurban Bajramit duke i zbatuar udhëzimet shëndetësore
Po ashtu, edhe hoxhallarët e tjerë ishin shumë të bindur që Bajrami do të falet të premten.
Nuk ka pasur asnjë paralajmërim që do të ketë rishikim të vendimit nga Bashkësia Islame e Kosovës rreth faljes së namazit të Bajrmait. Deklarata e BIK-ut një ditë para Bajramit dhe vetëm një ditë më herët siguria e zyrtarëve të BIK-ut ishte se do të ketë ritual në xhami – është befasuese ndryshimi kaq radikal i vendimit nga siguria në falje të namazit të Bajramit në anulim të tij.
As Qeveria e Kosovës nuk ka pasur deklaratë publike për ndalimin e faljes së Bajramit, madje ministri Shëndetësisë, Armend Zemaj tha se i takon Bashkësisë Islame të Kosovës të vendosë për faljen apo mos faljen e namazit. /Insajder.com/
