Sot rreth orës 18:00 ka ndodhur një aksident në rrugën Prishtinë-Fushë Kosovë, shkruan Insajderi.
Flora Ahmeti, zëdhënëse për medie e policisë për rajonin e Prishtinë, i ka thënë Insajderit se në aksident janë përfshirë tri vetura dhe janë lënduar gjashtë persona.
“Të njëjtit janë dërguar për tretman mjekësor në QKUK. Me rastin po merret njësiti i trafikut”, ka thënë Ahmeti për Insajderin. Në pamjet e publikuara, shihet aksidenti i ndodhur sot.