Të kuptuarit e gjuhës së trupit të një qeni është thelbësore për ndërtimin e një marrëdhënie të fortë dhe të besueshme me mikun tuaj me katër këmbë.
“Bright Side” prezanton 16 ilustrime që do t’ju ndihmojnë të kuptoni se çfarë dëshiron t’ju thotë qeni juaj- ose ndonjë qen tjetër, transmeton Insajderi.
Qeni tund bishtin e tij të ulur.
Nëse qeni tund bishtin ngadalë, ai nuk e kupton se çfarë po ndodhë dhe po ju pyet se çfarë doni të bëjë ai. Kur bishti i qenit tundet shpejt, kjo do të thotë që ai e pranon që ju jeni në krye.
Bishti është ngritur dhe dridhet pak.
Qeni po sfidon autoritetin tuaj sepse ai e konsideron veten të jetë përgjegjës për situatën.
Bishti është futur midis këmbëve.
Është një shenjë që qeni është i frikësuar, ka frikë nga dhimbja ose nuk ndihet komod. Nëse nuk ka arsye të dukshme për shqetësim dhe kafsha juaj kafshon bishtin e tij shpesh, duhet ta çoni te një veteriner.
Sytë janë hapur dhe vigjilentë.
Kështu qeni juaj përpiqet të tërheqë vëmendjen tuaj. Ai po ju sfidon dhe pret që ju të përgjigjeni me vendosmëri.
Qeni picërron dhe kapsit sytë.
Kjo do të thotë se ai është gati për të luajtur. Por nëse qeni juaj picërron sytë shumë mund të nënkuptojë se ai ka dhimbje, dhe duhet ta dërgoni te veterineri.
Veshët janë ngritur drejt ose të prirur përpara.
Qeni po ju tregon se është kurioz dhe po reagon ndaj çdo ngjarjeje të re në mjedisin e tij.
Veshët janë të rrafshuar me kokën.
Është një shenjë që qeni ka frikë. Ndonjëherë qeni juaj mund të ketë vetëm një vesh poshtë, dhe shumicën e kohës është ai i majti. Kështu reagojnë qentë ndaj njerëzve të panjohur ose njerëzve nga të cilët kanë frikë.
Qeni hap gojën.
Ky veprim do të thotë që qeni është i mërzitur dhe nervoz. Këlyshët e bëjnë këtë mjaft shpesh kur janë të rrethuar nga qen të mëdhenj të panjohur. Por nëse kafsha juaj shtëpiake hap gojën pasi ta keni hapur ju, kjo do të thotë që ai është shumë i lidhur me ju.
Qeni lëpin fytyrën.
Qeni e bën këtë kur është i stresuar, ndjen presion ose rrezik.
Qeni ekspozon dhëmbët, pa hungërimë.
Kjo do të thotë që qeni po mbron territorin e tij. Kafshët shtëpiake shpesh e bëjnë këtë ndërsa hanë.
Qeni rrotullohet dhe ekspozon barkun e tij.
Qeni po tregon se ju beson dhe dëshiron të luajë. Nëse fërkoni barkun e qenit tuaj pasi ai të rrotullohet, ju do të tregoni se jeni të kënaqur me sjelljen e kafshës suaj.
Qeni vë kokën në gju të pronarit të tij.
Kjo do të thotë që qeni dëshiron të tërheqë vëmendjen dhe të tregojë se ka nevojë për ty. Nëse një kafshë shtëpiake prek duart e pronarit me hundën e tij, ai dëshiron që ju ta përkëdhelni atë.
Qeni vë putrën në gjurin e një njeriu.
Nëse qeni e bën këtë me një vështrim shumë të vetëkënaqur, ai po përpiqet të dominojë. Në këtë situatë, trajnerët sugjerojnë të shikojnë qenin në sy dhe t’i heqin putrën.
Qeni ka ngritur një këmbë përpara.
Ky qëndrim do të thotë që kafsha juaj shtëpiake dëshiron diçka nga ju. Ndoshta ai është i uritur ose dëshiron të luajë. Ndonjëherë qentë e bëjnë këtë (sidomos racat e qenve të gjuetisë) kur vërejnë diçka interesante.
Qeni kthen shpinën.
Ky veprim do të thotë që shoku juaj me katër këmbë ju beson.
Qeni dridhet.
Qentë mund të dridhen (ashtu si shkundin ujin pas larjes) si një mënyrë për të lehtësuar tensionin. /Insajderi.com
