Përtypja e akullit është një nga zakonet më të këqija që mund të dëmtojë dhëmbët, sipas Shoqatës Dentale Amerikane.
Ashtu si përtypja e çdo ushqimi të fortë, ngrënia e akullit i lë dhëmbët tuaj të prekshëm nga dëmtimi shkruan Insider, transmeton Insajderi. Sado freskues të jetë akulli, ekzistojnë tre arsye kryesore pse përtypësit e akullit duhet të konsiderojnë lënien e këtij zakoni:
Mund të prish smaltin e dhëmbëve.
Sa herë që përtypni akull, rrezikoni të dëmtoni ose dobësoni smaltin e dhëmbit – veshja e fortë, mbrojtëse që mbron zonat delikate, të brendshme të dhëmbëve tuaj.
Mund të çojë në dhëmbë të copëtuar.
Përtej dobësimit të smaltit të dhëmbit, ekziston gjithmonë mundësia e thyerjes së një dhëmbi, sipas John Grbic, DMD, Profesor i Mjekësisë Dentare në Qendrën Mjekësore të Universitetit Columbia.
Mund të dëmtojë mishrat e dhëmbëve.
Përtypja e akullit gjithashtu mund të ushtrojë presion në mishrat e dhëmbëve, gjë që mund të çojë në recesion të mishit të dhëmbëve. Recesioni i mishit të dhëmbëve ndodh kur indet e mishit të dhëmbëve gërryhen nga gjenetika, sëmundja e mishit të dhëmbëve ose nga një dëmtim traumatik (siç është dëmtimi i zgjatur). /Insajderi.com
