Sado që tingëllon befasuese, vëllezërit e motrat mund të përmirësojnë shëndetin tuaj. Bright Side ka mbledhur të gjitha arsyet pse ndodh kjo në një artikull, njofton Insajderi.
Ata rrisin sistemin tuaj imunitar.
Marrëdhëniet e shëndetshme me vëllezërit e motrat rrisin aftësinë tuaj për të luftuar viruset, madje edhe pa simptoma. Hormonet e stresit, katekolaminat dhe glukokortikoidet, në veçanti, kanë një ndikim negativ në sistemin imunitar kur jeni sëmurë. Sa më të larta të jenë nivelet e stresit, aq më keq ndiheni. Për fat të mirë, nëse keni lidhje të forta shoqërore me vëllezërit e motrat ose miqtë tuaj, ju mund ta kontrolloni disi nivelin e stresit, gjë që mund t’ju ndihmojë të kapërceni një sëmundje më shpejt.
Ju ndihmojnë të përballoni më mirë probleme si depresioni
Ne shpesh u drejtohemi prindërve tanë për ndihmë, por komunikimi me vëllain apo motrën ofron diçka krejt tjetër. Ju mund të flisni më lehtësisht me ta dhe të gjeni një zgjdhje së bashku. Kur keni dikë për të folur, nivelet e kortizolit zvogëlohen.
Ju zgjasin jetën
Njerëzit me lidhje të dobëta sociale kanë më shumë gjasa të vdesin më herët sesa njerëzit që kanë lidhje të ngushta. Kjo mund të jetë sepse njerëzit e afërt na inkurajojnë të kujdesemi për veten, vecanërisht kur jemi sëmurë. Ju mund të ziheni me vëllain ose motrën për gjëra pa vlerë si pulti i televizorit, por jeni të gatshëm t’ju shërbeni atyre me gjithçka nëse janë sëmurë.
