Dy muaj pasi u arrestua nga policia për tentim vrasje të deputetëve, njëri prej sulmuesve të Ziadin Selës, rrihet në Burgun e Shutkës.
Incidentin e konfirmuan edhe nga burgu, kurse TV21 e xhiroi Kire Gjorgjievskin në spitalin “8 Shtatori” të Shkupit.
Gjorgjievski është sjellë të hënën paradite në qendrën e urgjencës të spitalit “8 Shtatorit”, kurse rreth orës 17h policia e mori për ta kthyer në burg.
I dyshuari për tentim-vrasje, Kire Gjorgjievski ishte i lënduar në fytyrë, por në automjetin e burgut hyri në këmbë të veta, dhe pa ndihmën e askujt.
Më 11 maj të këtij viti, policia arrestoi Kire Gjorgjievskin dhe babanë e tij, kurse në banesën e të dyshuarve janë gjetur atletet të përlyera me gjak, që besohet se ishte i deputetëve.
Babës dhe të birit, prokuroria iu shqiptoi masën e paraburgimit, por të dy të dyshuarit kanë deklaruar se vetëm kanë dashur ta ndihmojnë Selën, e jo ta vrasin.
Ata do të gjykohen për veprën penale tentim për vrasje me paramendim, vepër që sipas Kodit Penal, dënohet më të paktën, 5 vjet burg. /Telegrafi
https://www.youtube.com/watch?v=ZyOLJiMVoKY
“EL Chapo” kosovar që arriti të përfitojë mbi 1 milion euro nga tenderët publikë (I)
