![Trump reagon pas marrëveshjes për linjën Kosovë-Serbi: Një tjetër fitore](https://insajderi.com/wp-content/uploads/2020/01/Trump-foto-780x439-730x440.jpg)
Presidenti amerikan, Donald Trump , ka reaguar në rrjetin e tij social “Twitter” pas arritjes së marrëveshjes për kthimin e linjës së fluturimeve Kosovë-Serbi.
Trump këtë marrëveshje e ka quajtur fitore, duke ia atribuar administratës që udhëheq.
“Të gjithë thanë se nuk mund të bëhet. Por, për herë të parë në një gjeneratë, do të ketë fluturime direkte mes Serbisë dhe Kosovës. Një tjetër fitore. Duke iu falënderuar Ambasadorit Robert O’Brien dhe Ambasadorit Richard Grenell”, ka shkruar Trump.
Everyone said it couldn’t be done. But for the first time in a generation, there will be direct flights between Serbia and Kosovo. Another win. Thanks to @WHNSC Ambassador Robert O’Brien and Ambassador @RichardGrenell! pic.twitter.com/0qSLryG96B
— Donald J. Trump (@realDonaldTrump) January 21, 2020
Marrëveshja për fluturime direkte u nënshkrua të hënën në Berlin, pas ndërmjetësimit amerikan.
Në këtë draft marrëveshje thuhet se kjo linjë do të kontrollohet nga KFOR-i. Sipas kësaj draft marrëveshjeve thuhet se dy palët edhe ajo e Kosovës dhe e Serbisë janë shprehur të gatshme për krijimin e linjës Prishtinë – Beograd.
“Palët janë shprehur të gatshme për të krijuar Rrugën Ajrore Speciale të drejtpërdrejtë Beograd-Prishtinë (BPSAR). Njësia e Kontrollit të Trafikut Ajror (ATC) në Aeroportin e Prishtinës është një autoritet kompetent për të ofruar shërbime brenda Sektorit të KFOR-it. KFOR-i është autoriteti themelor për të siguruar mbikëqyrjen e tyre mbi ofrimin e shërbimeve të kontrollit ajror, brenda sektorit të KFOR-it që kryhen me siguri. Njësia ATC në Aeroportin e Prishtinës do të sigurojë shërbimet për të gjithë aeroplanët që operohen nga Euroëings dhe transportuesit e Grupit Lufthansa brenda hapësirës ajrore të KFOR-it”, thuhet në këtë draft marrëveshje të siguruar nga Gazeta Insajderi.
Në këtë marrëveshje thuhet se do të ketë fluturim direkt ajror Prishtinë – Beograd dhe do të zhvillohet një komunikim i drejtpërdrejtë midis ofruesve që kryejnë në dy aeroportet, të Prishtinës dhe Beogradit.
Shiko edhe: