![U masakrua me thikë – kthehet në rigjykim rasti i 17 vjeçarit nga Prishtina](https://insajderi.com/wp-content/uploads/2020/01/70102697_976836512658479_1002764208078585856_n-730x440-730x440.jpg)
Gjykata Themelore në Prishtinë ka kthyer në rigjykim rastin e Arianit Asllanit, 17 vjeçarit nga Prishtina, i cili në maj të 2019-s ishte goditur mbi 6 herë me thikë nga bashkëmoshatari i tij D.K në shkollën e mesme të Bujqësisë “Abdyl Frashëri”.
Seanca e parë pritet të mbahet të hënën (20 janar).
Lajmin për Insajderin e ka konfirmuar e ëma e Ariantit, Lindita Asllani.
“Me datën 14.01.2020 e kam marr lajmin nga avokati që është vendosur të kthehet në rigjykim lënda. Seanca është caktuar më 20.01.2020. Në orën 14:00 të hënën”, ka thënë Asllani për Insajderin.
Katër muaj më parë, Lindita Asllani kishte rrëfyer për Insajderi ngjarjen e 2 majit, ku si pasojë përveç djalit të saj, të plagosur kishin mbetur edhe dy nxënës të tjerë.
Ndiqni rrëfimin e plotë:
Masakrimi me thikë, drejtësia e cilëson lëndim të lehtë trupor