Kur ju dhemb koka, gjëja më e lehtë për të bërë është të merrni disa pilula dhe thjesht të prisni që ajo të ketë efektin e saj.
Mirëpo ekziston një mënyrë natyrale dhe e shijshme për të trajtuar dhimbjet e kokës, dhe kjo është ushqimi, shkruan Fustany, transmeton Insajderi.
Shalqiri
Nganjëherë dhimbjet e kokës ndodhin si shkak i mungesës së hidratimit. Nëse është verë një pjatë me shalqi të shijshëm do funksionojë si mos më mirë, për faktin se është e stërmbushur me potasium dhe magnezium.
Bananet
Një arsye tjetër pse përjetojmë dhimbje kokë është niveli i ulët i potasiumit në trup. Kështu që ngritni nivelin e potasium në trup duke konsumuar banane. Ato janë të pasura edhe me magnezium e cila lehtëson dhimbjen e kokës.
Jogurti ose kosi.
Dhimbja pulsuese në kokën tuaj mund të nënkuptojë gjithashtu që trupi juaj ka nevojë për pak kalcium. Kosi është një ushqim i pasur me kalcium, dhe do të ndihmojë trurin tuaj të funksionojë në mënyrë efikase. Mos shtoni sheqerna në kos, lini kalciumin të bëjë hilen e vet.
Mollat.
Mollët janë të pasura me një përbërje kimike të quajtur flavonoide, dhe është provuar se ul presionin e gjakut dhe çliron stresin.
Kastravecët.
Mungesa e hidratimit është arsyeja kryesore pse kemi dhimbje koke. Kastravecët mund të ndihmojnë shumë në këtë rast. Ato përbëhen nga 95% ujë duke ndihmuar kështu në dehidratimin dhe luftuar dhimbjet e kokës.
Kërpudhat.
Kërpudhat përmbajnë vitaminën B-2 e cila po ashtu gjendet edhe në salmon dhe mish të kuq. Ka studime që tregojnë se kjo vitaminë mund të ulë frekuencën e migrenave. /Insajderi.com
