Ju duhet të hani dhe duhet të flini, kështu që pse të mos i bëni këto dy aktivitete të funskionojnë së bashku?
Ushqimet që përmbajnë melatoninë, një hormon rregullues i gjumit, mund të përmirësojnë modelet e gjumit tuaj, raporton Healthline transmeton Insajderi. Bajamet, për shembull, përmbajnë melatoninë së bashku me magnez, që lidhen me përmirësimin e cilësisë së gjumit.
Gjeli i detit ka qenë historikisht i asociuar me përgjumjen, me gjasë për faktin se ka triptofan në të, një aminoacid që rrit prodhimin e melatoninës. Së bashku me nivele të larta të proteinave, gjeldeti mund të jetë një zgjedhje e mirë për darkën për një mbrëmje të qetë.
Gjithashtu, çaji kamomil ka disa antioksidantë në të që lidhen me receptorët në trurin tuaj, për të promovuar përgjumjen.
Sipas Sleep Foundation, gjiza është një kombinim i mirë i proteinave dhe aminoacideve, dhe mund të ndihmojë në parandalimin e niveleve të ulëta të serotoninës në tru. Bananet, ananasit, portokallet dhe qershitë e tharta gjithashtu promovojnë gjumë cilësor.
Natyrisht, ndërsa disa ushqime ndihmojnë gjumin, të tjerët mund të dëmtojnë.
Shumica e njerëzve e dinë që pirja e alkoolit është e keqe për modelet e gjumit dhe kafeina do ta bëjë më të vështirë gjumin, por lista nuk mbaron këtu. Për shembull, brokoli (dhe perimet e tjera të familjes së lakrës) janë shumë të pasura me fibra. Ushqimi i këtyre llojeve të perimeve para gjumit mund t’ju bëjë më pak të rehatshëm gjatë gjumit, raporton Delish.
Ushqimet që shkaktojnë urth, siç janë ushqimet pikante ose acidike, gjithashtu mund të çojnë në një natë të shqetësuar, dhe madje edhe urth në mëngjes.
Burimi: CNN
