Xhinset e para u krijuan në vitin 1853 nga “Levi Strauss” si rroba pune për fermerët. Dhe sot, të gjithë kanë të paktën një palë xhinse. Por kjo pjesë universale e veshjeve ka sekretet e veta.
Ndërsa një model mund t’ju bëjë të dukeni bukur, një tjetër mund t’ju bëjë të dukeni të tmerrshëm. Gjithçka është e rëndësishme, që nga përshtatja, materiali dhe xhepat, deri te qepjet, njofton Insajderi.
Dendësia e materialit
Disa njerëz zgjedhin xhinse të qepura me material më të trashë për dimër dhe vjeshtë dhe material më të hollë për mot të ngrohtë. Shumë shpesh, materialet e holla shtrihen shpejt dhe përfundojnë të duken keq. Për më tepër, xhinse të qepura me materiale të holla vetëm nxjerrin në pah të metat e trupit. Por materiali më i trashë mund të fshehin disa zona problematike.
Xhinset e mira duhet të përmbajnë pambuk dhe pak elastan. Kjo ndihmon për të parandaluar shtrirjen e materialit dhe modeli bëhet më i rehatshëm për tu veshur. Xhinset me shumë elastan janë më shumë si streçe apo legingse. Xhinse të tilla duken të lira dhe mund të bëjnë që edhe një trup perfekt të duket jo i këndshëm.
Xhepat e përparmë
Xhepat e thellë të përparmë do t’i bëjnë ijët të duken më të mëdha. Dhe nëse keni një model me xhepa më të vegjël që janë mbi kockën e legenit, ijët tuaja do të duken të jenë më të vogla. Gjerësia e xhepit është po aq e rëndësishme. Sa më të gjera të jenë, aq më e gjerë do të duket ajo pjesë e trupit.
Xhepat e prapmë
Xhepat e pasmë kanë një ndikim të madh se si do të shfaqen vithet me xhinse. Xhepat e gjatë dhe të drejtë do t’i bëjnë vithet të rrafshëta. Sa më larg që janë xhepat, aq më të gjera do të duken vithet. Ky është një problem shumë i zakonshëm, prandaj duhet të keni kujdes kur zgjidhni xhinset.
Për t’i bërë vithet vizualisht më të vogla, është më mirë të zgjidhni xhinse me xhepa me madhësi mesatare që janë pak poshtë vijës së belit. Për të krijuar një efekt shtytjeje, blini xhinse me xhepa më të vegjël të vendosura lart. Gjithashtu, sa më i madh të jetë këndi i xhepave, aq më të rrumbullakëta do të duken ijët.
Modeli
Xhinset me bel të ulët i bëjnë këmbët të duken më të shkurtra dhe ato me bel më të lartë i bëjnë këmbët të duken më të gjata. Por ka akoma njerëz që duken më mirë me xhinse të ulëta – si ato me trup të shkurtër dhe këmbë më të gjata. Xhinse të larta e bëjnë barkun të duket më i vogël. Por, duhet të siguroheni që t’i mbani proporcionet e duhura në mënyrë që të mos dukeni super të rrumbullakëta. Thënë kjo, modeli i xhinseve te duhura varet nga parametrat e trupit tuaj.
Ngjyra e materialit
Xhinset me ngjyrë të errët zakonisht e bëjnë trupin të duket më i hollë dhe rrit lartësinë. Ngjyrat më të lehta e bëjnë pjesën e poshtme të trupit të duket më e madhe, dhe të kombinuara me këpucë të errëta, ato ju bëjnë të dukeni më të shkurtër.
Elemente dekorative
Linjat e lehta dhe detajet e tjera mund t’ju bëjnë të dukeni më të mëdha. Pra, vijat horizontale pranë ijëve do ta bëjnë legenin të duket më i madh dhe do të tërheqë vëmendjen në këtë zonë. Nëse keni vija vertikale afër mesit të këmbës, ato do të shtrijnë siluetën dhe do ju bëjnë të dukeni më të hollë.
Qepja anësore
Qepja anësore në xhinse të ngushta gjithmonë duhet të shkojë saktësisht përgjatë këmbës dhe të jetë në mes. Nëse nuk është perfekte, këmbët do të duken shtrembër dhe më të mëdha se sa janë. Përveç kësaj, e gjithë pamja do të duket e çrregullt. /Insajderi.com
Burimi: Bright Side
