Është një skenë prekëse në filmin “Janie’s Janie” të vitit 1971, kur personazhi kryesor shpalos deklaratën de fakto të pavarësisë së saj. “Më parë isha Janie e babait tim”, thotë kjo grua e cila e vetme po rrit gjashtë fëmijët e saj në një objekt në qosh të Newarkut.
“E më pas isha Janie e Charliet”, thotë ajo për burrin e saj abuziv. “Tani jam Janie e Janies”. Pasi që tërë jetën nga këta dy burra asaj i është thënë se ajo është “njeri i padobishëm”, Janie e liron veten.
Nën regji të një kolektivi, ky film i fuqishëm gjysmorësh është vetëm një prej 42 titujve në serinë befasuese të “BAMcinématek”, që titullohet “A Different Picture: Women Filmmakers in the New Hollywood Era, 1967-1980”, shkruan “The New York Times”, transmeton “Koha Ditore”. Sa ambicioze aq edhe emocionuese, vjen kjo seri në kohën kur feminizmi po rilind, i nxitur nga akuzat e ngacmimeve seksuale. Një prej betejave kritike në këtë drejtim është që zëri i grave të dëgjohet.
Në filma, gratë shumë shpesh nuk e kanë pasur atë të drejtë, pasi që shumë shpesh në ekran u është mbyllur goja. Por prapë ato kanë vazhduar të bëjnë filma, të flasin e të ngrenë zërin. “A Different Picture…” e bën këtë të qartë përzgjedhje pas përzgjedhjeje, më në fund është bërë një akt i aktivizmit të revizionimit historik. Po ashtu, korrigjon idetë e gabuara rreth grave në industrinë e filmit gjatë periudhës e cila njihet si “Hollywoodi i Ri”.
E njohur, dhe shpesh e adhuruar në mënyrë të gabuar për kryeveprat e veta dhe maoizmin, kjo ka qenë një epokë e cila na solli disa prej filmbërësve më të shquar në histori, përfshirë Martin Scorsesein, Peter Bogdanovichin, Robert Altmanin dhe Hal Ashbyin.
“A Different Picture” zgjerohet në storie të njohura të “Hollywoodit të Ri” duke u fokusuar në filmbërësit e neglizhuar në “mainsteam”, si dhe në grupe më të mëdha që punuan në margjina, përfshirë dokumentarët, filmat eksploatues dhe avangardë. Shtrirja e këtyre veprave është e gjerë me titull divers si “The Student Nurses” të Stephanie Rothman, dokumentarin “Attica” të Cinda Firestones që flet për kryengritjet në burg dhe filmat eksperimentalë si “Film About a Woman Who…”, nga koreografja e shndërruar në regjisore Yvonne Rainer
