Artistja Nurhan Qehaja ka hapur ekspozitën e saj me emër “The Flag” të cilën e ka punuar përgjatë studimeve të saj në Fakultetin e Arteve Vizuale në Zelandën e Re.
Ajo ka vendosur që instilacionin e saj ta ndaj edhe me publikun kosovarë. Ekspozita e artistes Qehaja është një video instilacioni i quajtur “The Flag” ku në video ajo shihet duke kënduar himnin kombëtar nudo, shkruan Insajderi.
Kjo performancë shihet si një akt rebelimi nga ana e artistes, që vjen si pasojë e ndikimit të identitetit nacional në formimin e saj personal si dhe reflektimin e artistes kundrejt idesë kombëtare.
“Rade Tape” është një video instilacion i cili flet për identitetin nacional mirëpo në këtë artistja Qehaja ka theksuar se është një tregim personal dhe emocional.
Përsëritja e aktit me shiritin e kuq duket se të jep ndjenjën e dualizmit përbrenda vetes.
Kjo ekspozitë është duke u mbajtur në galerinë “Motrat” dhe është e hapur vetëm sonte. /Insajderi.com
