Keira Knightley ka shkruar një ese shumë personale lidhur me përvojën e saj lidhur me lindjen e fëmijëve dhe amësinë, ndërsa Gemma Arterton ka shkruar një tregim ku ajo riimagjinon karakterin e saj Strawberry Fields në filmin e James Bond, për koleksionin “Feministet nuk vishen në rozë dhe gënjeshtra të tjera, me kuratore Scarlett Curtis.
Knightley, vajza e së cilës lindi në 2015, do të luaj në filmin Colette, në të cilin luan rolin e shkrimtares franceze me të njejtin emër, e cila u bë e famshme për krijimtarinë letrare me të cilën theu tabu të shumta të kohës së saj. Është roli i saj i parë, pas pauzës së gjatë prej lindjes së vajzës.
Qëllimi i Knightley është të kritikojë presionin dhe pritjet që ju bëhen nënave të reja. Ajo krahason përvojën e saj të paslindjes me atë të Dukeshës se Kembrixhit, e cila e lindi fëmijën e saj një ditë pas Keirës.: “Ajo doli prej spitalit, shtatë orë pas lindjes, e rregulluar dhe me taka të mbathura. Kjo ishte ajo që bota do të shohë… Mos trego. Mos fol. Pozo me vajzën para një grupi fotografësh meshkuj.”
Knightley tregon për frustrimet e saj lidhur me kolegët e saj të gjinisë mashkullore. “Ata nuk i shohin fëmijët. Ata janë duke punuar. Kanë nevojë të koncentrohen” dhe vazhdon duke thënë “Unë nuk jam seksi i dobët.”
Tregimi i Arterton është një histori e shkurtër ku riimagjinohet karakteri i saj i luajtur në filmin e James Bond “Quantum of Solace”. Në film, ajo luan një agjente MI6, që u dorëzohet sharmeve të agjentit Bond, pavarsisht që ka marrë urdhër të shtyjë atë të kthehet nga lufta, dhe përfundon e vrarë prej antagonistit Dominic Greene.
“Quantum of Solace” ishte një prej filmave të hershëm që i dha famë Arteron, para se të luaj në “Zhdukja e Alice Creed” dhe “Tamara Dreëe”.
I titulluar “Gruaja e zgjuar”, tregimi i saj përshkruan takimin me agjentin Bond në aeroportin e Bolivisë: “E takova z. Bond në pikën e kontrollit të valigjeve. Ai më dha një shikim nga koka te këmbët. U prezentova. Ai filloi të bënte komente lajkatuese. Z. Bond, i thash unë, nuk dua të flirtoj me ty. Kam ardhur për të punuar”. Për dallim prej filmit, Fields refuzoi ftesën e tij për të shkuar në dhomën e hotelit të tij. “Ndoshta ai ishte tërheqës, por ishte më shumë se 20 vite më i vjetër se unë, ne sapo ishim takuar dhe ai ishte koleg pune. Mes tjerash ai kishte reputacion. A nuk vdesin të gjitha gratë që flejnë në dhomën e tij në mënyra të tmerrshme?”
Në fjalimin e saj të “Feministet vishen me rozë”, Arterton tha se donte të ndante “udhëtimin e saj feminist” prej rolit si vajzë e filmit të James Bond, në zhvillimin e saj si “zëdhënese e barazisë”. Vendosa të shkruaj atë që do të ndodhte në periudhën post -#MeToo, post Harvey Weinstein, nëse karakteri im do të ishte, një vajzë e zgjuar.”/theguardian.com
