Kryeministri i Kosovës Ramush Haradinaj ka mbajtur sot një takim me përfaqësuesit e Ansamblit Kombëtar të Këngëve dhe Valleve “Shota”, i cili poashtu i ka nderuar me medaljen “ Gjergj Kastrioti”, për kontributin e dhënë dhe përfaqësimin dinjitoz përgjatë këtyre viteve.
“Emblema e folklorit të Kosovës, Ansambli Kombëtar i Këngëve dhe Valleve “Shota”, për dekada me radhë ka shpalosur dhe promovuar thesarët më të çmuar kulturor të popullit tonë. Në kuadër të Vitit Mbarëkombëtar të Skënderbeut, pata kënaqësinë e veçantë që sot ta nderoj këtë institucion identitar me medaljen ”Gjergj Kastrioti”, për kontributin e pashoq në ruajtjen e këngëve dhe valleve tradicionale, si dhe përfaqësimin dinjitoz të trashëgimisë dhe vlerave tona kulturore kudo në botë”, ka shkruar Haradinaj.