Arkeologët kanë zbuluar dy varre monumentale të epokës së bronzit në jug të Greqisë, të mbushura me fletë ari që dikur vishnin muret.
Varret, të cilat datojnë rreth 3.500 vjet, u zbuluan pranë pallatit të epokës mikeniane të Pylos në rajonin e Peloponezit të Greqisë – i cili paraqitej në Odisenë e Homerit.
Ato u bënë në stilin Tholos, të karakterizuar nga ndërtime nëntokësore masive me kupolë si koshere bletësh. Këto lloje të varreve përgjithësisht ishin të rezervuara për mbretërinë mikenase.
Varret përmbajnë stoli dhe artefakte të gdhendura, për të cilat studiuesit pretendojnë se mund të ndihmojnë historianët të plotësojnë boshllëqet në njohuritë tona për civilizimin e hershëm helen.
Më i madhi nga të dy varret kishte një diametër prej 12 metrash në nivelin e dyshemesë dhe muret e tij prej guri mbijetuan në një lartësi prej 4,5 metra – më pak se gjysma e lartësisë së tij origjinale.
Tjetri ishte rreth dy të tretat e asaj madhësie dhe muret e tij tani qëndrojnë të larta dy metra.
Sipas Ministrisë së Kulturës greke, çatitë në formë kube të dy varreve u rrënuan gjatë antikitetit.
Por varret nuk ishin të imunizuar nga hajdutët, me disa breza grekësh që shqetësonin zonën e shenjtë rreth 1.000 para Krishtit.
Gjësendet e gjetura në të dy varret përfshinin një unazë të artë, vulë dhe një amuletë të artë të perëndeshës së lashtë egjiptiane, Hathor.
Ajo është perëndeshë e qiellit, grave, pjellorisë dhe dashurisë dhe zakonisht përshkruhet si një grua me kokën e lopës.
Hathor është një nga figurat qendrore të mitologjisë Greke që është e lidhur ngushtë me perëndinë e qiellit Ra.
Objektet e arta që gjenden brenda mureve të varrit tregojnë rëndësinë e atyre që vendosen për të qëndruar brenda.
Varret u gërmuan gjatë dy viteve të fundit nga arkeologët e Universitetit të Cincinnati.
Studiuesit zbuluan gjithashtu varrin e Griffin Warrior aty pranë dhe disa zbukurime.
Një prej gjetjeve përfshin një gur zile të vogël që përshkruan luftime mortore në detaje.
Të tre varret u ndërtuan më herët se pallati i humbur, rrënojat e të cilit ndodhen afër, dhe i cili përmendet në Odisenë e Homerit si vendi i mbretit të mençur Nestor.
“Ashtu si me varrin e Griffin Warrior, deri në fund të javës së parë ne e dinim se kishim diçka të rëndësishme,” tha Sharon Stocker, mbikëqyrës i gërmimeve, për gjetjen më të fundit.
Ndryshe, epoka e Mikenës, midis afërsisht 1650-1100 para Krishtit ofron material për shumë nga mitet dhe legjendat e Heladës antike, përfshirë atë të Luftës së Trojës.
