Në hulumtimet e bëra lidhur me mbipeshën, shkencëtarët janë përqëndruar për të gjetur faktorët që mund të parandalojnë këtë fenomen.
Sipas këtyre hulumtive mendohet se ngrënia e një mëngjesi të shëndetshëm do të ju ndihmojë të mbani peshën në kontroll.
Më poshtë po i përmendim disa prej arsyeve, se pse mëngjesi i shëndetshëm është vakti më i rëndësishëm për mirëqenien tuaj, raporton Agroweb, shkruan Insajderi.
Ngrënia e mëngjesit të mirë parandalon rrezikun e teprimit me ushqim gjatë ditës – mëngjesi i shëndetshëm parandalon krizat e befta të urisë gjatë ditës. Kur nuk hani mëngjes, organizmi fillon të akumulojë më shumë yndyrna dhe ju shtoni në peshë.
Do të keni më vetëpërmbajtje me ushqime gjatë ditës – nëse e hani një mëngjes të begatë gjatë ditës do të merrni vendime më racionale sa iu përket vakteve të tjera. Njërëzit që nuk hanë mëngjes, me shumë gjasë nuk hanë as fruta e perime gjatë ditës.
Do të keni më shumë energji – mëngjesi e furnizon organizmin me më shumë energji që i duhen për të nisur mirë ditën. Mosngrënia e mëngjesit do të ju lodh më shpejtë gjatë ditës dhe do të ndikojë në aktivitetet fizike të mëvonshme./ Insajderi.com
