![Drejtori i SHSKUK-së tregon se kur do të dalin nga Klinika Infektive zyrtarët e KQZ-së](https://insajderi.com/wp-content/uploads/2019/10/72423179_494840437738381_8065350146914779136_n-730x440.jpg)
Drejtori i SHSKUK-së, Basri Sejdiu ka treguar se nesër 12 zyrtarët e KQZ-së që janë të shtrirë në Klinikën Infektive, pritet që të lirohen për në shtëpitë e tyre.
“Bashkë me Prof. Naser Ramadani, drejtor i Institutit Kombëtar të Shëndetësisë Publike dhe dr. Lindita Berisha, UD. Drejtoreshë e Klinikës Infektive, vizituam 12 verifikuesit e KQZ-së, të cilët janë të shtrirë në Klinikën Infektive. Pas vizitës së tyre, vërtetuam se ata kanë gjendje të mirë shëndetësore”, ka shkruar Sejdiu në Facebook.
“Rezultatet e mostrave të analizave laboratorike të punuara nga Instituti Kombëtar i Shëndetësisë Publike, konfirmuan se nuk bëhet fjalë për sindromë infeksioze”.
“Pas mbikëqyrjes dhe ofrimit të ndihmës mjekësore, ata pritet që nesër të lirohen në shtëpi”.