“Gipsy Groove” dhe “The Bloody Foreigners”, në emisionin e Iggy Pop në BBC Radio

“Gipsy Groove” dhe “The Bloody Foreigners”, në emisionin e Iggy Pop në BBC Radio

Legjenda Iggy Pop, këngëtari i njohur amerikan, në një intervsitë relaksuese për BBC Radio 6 mes tjerash ka përmendur edhe Shqipërinë dhe muzikën shqipe.

Dy orë program e sjellim artistin në bisedë mbi tema të ndryshme. Dikur ai fillon të flasë për Shqipërinë – këtë vend ku nuk ka pasur qasje për shumë kohë dhe ku ka mbizotëruar diktatura, thotë Iggy.

Dëgjoni emisionin ku Iggy Pop komenton dy bendet kosovare: “Gipsy Groove” dhe “The Bloody Foreigners”

“Në Kosovë të gjithë janë shqiptarë dhe kjo pjesë e botës ka muzicientë shumë të mirë e të rafinuar”, thotë Iggy.
Në këtë emision ai përmendë grupin “The Bloody Foreigners”. Në minutën 1:04 vjen kënga “Katunare” nga grupi me anëtarët Fatos Bejta, Fatos Derguti, Ardi Kelmendi dhe Josef Cook, shkruan KultPlus.

Për më tepër, Iggy duket se e njeh mirë edhe një pjesë tjetër të muzikës shqipe, grupin Gipsy Groove – ndoshta grupin që krijon atmosferën më të zjarrtë kudo.

Në minutën 59:00 të programit luhet një prej këngëve të grupit të njohur nga Kosova. Këtu Iggy edhe e nisë tregimin e tij që lidhet me Ballkanin, Jugosllavinë dhe me Maqedoninë.

Pop e vazhdon programin me një këngë ekskluzive të David Bowie ndërsa rrëfimi i tij i gjatë kalon nëpër frekuenca të ndryshme, lokacione e kultura të ndryshme dhe me muzikë të ndryshme që është përzgjedhur nga vetë ai. / KultPlus.com

(Fotografia e The Bloody Foreigners: Majlinda Hoxha)