Për dallim nga njerëzit, është përgjithësisht shumë e vështirë për një mace të komunikojë se diçka po i shqetëson, qoftë alergji apo diçka më serioze. Si përfundim, është detyrë e të zotit ta kuptojë. Atëherë, si mund të kuptoni që macja juaj po ndjehet e dobët dhe ka nevojë për një udhëtim në veterinari? Këtu janë disa shenja.
Diarre
Megjithëse një konsistencë jonormale e jashtëqitjes mund të nënkuptojë që macja juaj thjesht ka ngrënë një vakt të keq, mund të jetë gjithashtu një shenjë që ajo po lufton me ndonjë formë të sëmundjes – si një virus, baktere, apo edhe krimb. Nëse diarrea zgjat më shumë se nja dy ditë, kontaktoni veterinerin tuaj, njofton Insajderi.
Mungesa e oreksit
Nëse macja juaj dikur ka ngrënë shummë, humbja e oreksit mund të jetë një shenjë se diçka komplekse dhe e brendshme po ndodh. Lista e çështjeve që lidhen me një rënie të oreksit është e gjatë dhe e larmishme, kështu që kontaktoni veterinerin tuaj, i cili ka të ngjarë të urdhërojë disa testime të gjakut dhe diagnostikimit.
Mbi-letargjike
Është normale që kafshët shtëpiake të kalojnë periudhat ku ato flenë më shumë se zakonisht. Shkaku i letargjisë mund të jetë çdo gjë nga moti deri në një dhimbje stomaku. Por nëse vëreni një ndryshim të dukshëm në sjelljen e kafshës suaj, thirrni veterinerin tuaj. Mund të jetë një shenjë që ato po luftojnë kundër një problemi ose sëmundjeje.
Etje e tepërt
Sëmundjet e veshkave, diabeti dhe infeksionet e traktit urinar janë vetëm disa nga shkaqet e rritjes së etjes tek macet.
Humbje peshe
Një humbje e papritur dhe dramatike e peshës për çdo gjitar, përfshirë njerëzit, në përgjithësi duhet të jetë shkak për alarm. Kjo për shkak se një rënie e peshës është një shenjë e një mori problemesh, nga kanceri në një sëmundje virale. Për të siguruar që macja juaj nuk po vuan, kërkoni nga veterinari të bëjë disa analiza gjaku. /Insajderi.com
Burimi: Healthy Pets
