Në kinemanë ARMATA sonte prezentohet platforma eksperimentale CHINABOT
Sonte prej orës 21:00 në kino ARMATA, do të prezentohet kolektivi CHINABOT, platformë digjitale e krijuar për ta ndryshuar dialogun rreth muzikës aziatike.
Koncerti është mbështetur nga Komuna e Prishtinës, Promoting Private Sector Employment (PPSE) dhe Sabaja Craft Brewery. Të pranishëm në këtë koncert do të jenë Lafidki dhe Pisitakun.
Lafidki është artist audio/vizuel i bazuar në Londër dhe themelues i CHINABOT. LAFIDKI është nofka e Saphy Vong, i cili ka prodhuar muzikë eksperimentale elektronike nga viti 2008.
Pisitakun është prej Bangkokut, Tajlandë. Ai filloi të eksperimentoj me arte vizuele dhe muzikë nga viti 2014 dhe është i interesuar në muzikë në mjedise të ndryshme mediale. Ai përdorë inspirime të ndryshme në këngët e tij, si ngjarje historike, zëra sintetik, dhe instrumente muzikore.
