Vetëm për tre muajt e parë të këtij viti, skemës pensionale i janë shtuar gati 3 mijë veteranë të rinj.
Nga numri prej 34 mijë e 529 veteranë të Ushtrisë Çlirimtare të Kosovës, sa llogaritej të ishin përfitues të këtij pensioni vitin e kaluar, tashmë është rritur në 37 mijë e 44 veteranë. Plotë 2515 veteranë të rinjë janë përfitues të pensioneve gjatë tre muajve të fundit.
Ndonëse ky numër ka vazhduar të rritet, nga një “skenim” tjetër që i është bërë listave është larguar tejet një numër i vogël i veteranëve.
Sipas një përgjigje të Ministrisë së Punës dhe Mirëqenies Sociale, dhënë gazetës “Zëri” janë larguar mbi 1 mijë përfitues.
“Nga fillimi i zbatimit të kësaj skeme e deri më tash nga skema janë larguar mbi 1 mijë përfitues, për shkak të kalimit në skema tjera dhe për shkak të vdekjeve të përfituesve”, thuhet tutje në përgjigjen e këtij institucioni.
Një aktakuzë ka ngritur sot EULEX ndaj gjashtë personave që dyshohen se kanë ushtruar ndikimin e tyre që në këmbim të pagesave deri në 1 mijë Euro, që të sigurohet statusi dhe pensioni i veteranit të UÇK-së. /Insajderi.com
Ngritet aktakuzë për mashtrim në listat e veteranëve dhe seks me pagesë
