“Java e Filmit Izraelit” në Prishtinë (15-17 janar 2020) do të sjellë për filmdashësit kosovarë gjashtë filma të njohur dhe të suksesshëm, jo vetëm në Izrael, por edhe në arenën ndërkombëtare.
Kjo ngjarje tradicionale organizohet për herë të 12-të me radhë, shërben për një këmbim kulturor midis Izraelit dhe Kosovës.
Bartëse e organizimit të këtij aktiviteti do të jetë Fakulteti i Arteve të Universitetit të Prishtinës. Agim Selimi, dekan i këtij fakulteti, i ka thënë Insajderit se parapërgatitjet për festivalin kanë shkuar mbarë.
“Java e Filmit Izraelit organizohet nga Fakulteti i Arteve dhe Ambasada e Izraelit në Beograd, si dhe disa shoqata të tjera jo-qeveritare. Filmat do të shfaqen në Kino ABC dhe tek Fakulteti i Arteve”, ka deklaruar Agim Selimi.
Ju njoftojme se java e filmit izraelit kete vit organizohet nga Fakulteti i Arteve, duke filluar nga data 15-17 janar….
Gepostet von Fakulteti i Arteve – Regji Filmi dhe TV am Dienstag, 14. Januar 2020
Mbështetëse e organizimit është edhe shoqata Bet Israel Kosova.
“Këtu është organizator fakulteti i arteve në bashkëpunim me Ambasadën e Izraelit dhe me shoqatën tonë. Sivjet ne i kemi dhënë hapësirë institucioneve kulturore siç është Fakulteti i Arteve”, thuhet në përgjigjen e shoqatës Bet Israel Kosova.
Kjo ngjarje tradicionale organizohet për herë të 12-të me radhë, shërben për një këmbim kulturor midis Izraelit dhe Kosovës. /Insajderi.com
