“Mbreti Luan” ka triumfuar shumë lehtë në box-office në Amerikën Veriore në fundjavën e parë të shfaqjes në ekranin e madh, me rreth 192 milionë dollarë të ardhura, sipas shifrave përfundimtare të kompanisë së specializuar Exhibitor Relations.
Për të treguar aventurat e luanit të vogël Simba, regjisori Jon Favreau ka përdorur teknika tërësisht të reja.
Filmi është xhiruar nga një ekip i njëjtë i kameramanëve, por brenda një bote virtuale në 3D.
Ai ka kërkuar gjithashtu ndihmën e yjeve të muzikës si Beyonce për zërat e personazheve.
Filmi ka tejkaluar deri më tani gjysmë miliard dollarë të ardhura në mbarë botën.
I renditur shumë më poshtë, në vend të dytë qëndron “Spider-Man: Far From Home”, pjesa e shtatë e aventurave të njeriut merimangë me 21,2 milionë dollarë të ardhura këtë fundjavë./atsh
