Me datë 10 tetor, në ora 18:00 në Muzeun Kombëtar të Fotografisë “Marubi” do të bëhet hapja e ekspozitës “Nadar. Mes rregullave dhe tekave” e kuruar nga Michel Poivert.
Studioja fotografike më prestigjioze e Francës të fund shekullit XIX dhe fillim shekullit XX sjell në Muzeun Marubi me një përzgjedhje fotografish nga atelieri i famshëm Nadar, që na tregon se si portreti klasik i ‘burrave të mëdhenj’ të shekullit XIX, i shpikur nga Félix, i la vend suksesit të fotografisë së aktorëve të teatrit të fotografuar nga i biri Paul në fillim të shekullit XX.
Tregtia e portretit kalon nga kthjellësia në fantazi duke na rrëfyer zhvillimin e një shoqërie ku kodet e famës ndryshojnë.
Kjo ekspozitë vjen si një bashkëpunim me Muzeun e Fotografisë Jeu de Paume në Paris, Médiathèque de l’architecture et du patrimoine, Ministrinë e Kulturës të Shqipërisë dhe Francës me mbështetjen e Ambasadës së Francës në Tiranë.
