Reflection është si përvojë “out of this world”. Fillon e ndëgjon albumin e sa hyn në përjetimin e këngës së parë, e dyta të mëson se duhet të hapësh mendjen e të presësh gjithçka, sepse secila kangë është diçka tjetër, si persona të ndryshme të të njejtit njeri.
Sipas Blertës ajo që e karakterizon këtë album janë vokali i brishtë dhe një qasje spirituale me nuanca mistike që përcjell pothuaj të gjitha kangët.
Procesi i krijimit të albumit nuk ka datë të veçantë, është puna e shumë viteve që më në fund është përmbledhur në një album.
“Albumi është një përzgjedhje e një pjese të krijimtarisë time gjatë viteve (prej 2012 deri tash). Ndërsa pjesa teknike e miksimit dhe masterizimit ka zgjatë rreth 1 vjet e gjysmë.” tregon Blerta për procesin e krijimit të albumit.
Titujt janë poetik e të shtyjnë imagjinatën në storie universale prej narrativës që më shumë përshkruan se sa tregon.
“…If I’m not quite good enough
Or somehow undeserving of
A mother’s love… ”
Është një lloj ndjenjë e përzier me trishtim që vjen më nji mënyrë ma të ambël kur shëndrrohet në muzikën e Blertës, përmes të cilës ajo rrëfen grimca sugjestive të storieve përsonale, por që vinë e shëndrrohen në përjetime kolektive ku shumë mund të shohin veten.
Albumin, ngjajshëm me të gjithë krijimtarinë e blertës e karakterizojnë zhanret si elektronike, eksperimental, synth, darkëave, elektro etj.
Blerta tregon lidhur me influencat dhe inspirimet e saj, mes të cilëve përmend edhe disa muzikantë të kohës si Conan Mockasin, Kali Uchis, Ariel Pink, Part Time etj.
Reflection nuk është album për çdokë, megjithatë është një reflektim i frymës së kohës në të cilën jetojmë, një persiatje mbi personalen dhe irealen, me një origjinalitet që mund të konsiderohet edhe i pakohë./Insajderi