Ju kurrë nuk keni pasur kurrë në jetën tuaj një mik xhind si Will Smith, që do të plotësonte dëshirat tua.
Filmi “Aladdin” nga “Disney”, sjell historinë e djaloshit të varfër, i cili përdor një nga tri dëshirat e tij nga llamba magjike e xhindit për t’u bërë mbret, shkruan Variety, transmeton Telegrafi.
Para se të japë kërkesën e tij, xhindi i luajtur nga aktori Will Smith i thotë Aladdinit të jetë më specifik. “Më bëj një princ”, thotë me shaka Aladdini.
Më vonë xhindi i thotë Aladdinit: “Ti dukesh si një princ nga jashtë, por unë nuk kam ndryshuar asgjë jashtë”.
Me regji të Guy Ritchie, xhirimi i filmit aksion “Aladdin” bazohet në klasiken e animuar të vitit 1992. Yjet që marrin pjesë në këtë film janë: Will Smith në rolin e xhindit, Mena Massoud në rolin e Aladdinit, Naomi Scott si Princesha Jasmine dhe Marwan Kenzari në rolin e Xhafarit të keq.
Disney ka një numër të madh adaptimesh të drejtpërdrejta në veprat për këtë vit, si filmat “Dumbo” i Tim Burton dhe “Mbreti Luan” i Jon Favreau.
“Aladdini” do të jetë i gatshëm për publikun që prej datës 24 maj.
