Lëkura është një prej treguesve më të mirë të shëndetit të përgjithshëm të organizmit tonë.
Shpesh edhepse duket sikur bëjmë të gjitha gjërat e duhura, ajo vazhdon të irritohet apo paraqiten akne.
Megjithatë disa shprehi të vogla dhe jo të vështira mund të ju ndihmojnë të përmirësoni shëndetin e lëkurës tuaj, pavarësisht se shpesh indikatorë mund të jenë edhe faktorë të jashtëm, si ndotja e ajrit apo klima e ndryshueshme ndaj të cilëve nuk kemi asnjë ndikim.
Faktorët e përmendur më poshtë do të ju ndihmojnë për të pasur një lëkurë të shëndetshme për një periudhë të shkurtër.
Aktiviteti sportiv
Si i gjithë trupi edhe fytyra kërkon të lëvizë e të marrë energji nga aktivitetet sportive.
Në këtë mënyrë gjaku do të qarkullojë më mirë dhe do të ndjeni ndryshme të dukshme sin ë muskujt e fytyrës ashtu edhe në elasticitetin e saj.
Ecni, bëni vrap apo merruni me aktivitete të ndryshme sportive për shëndetin e të gjithë organizmit dhe sigurisht lëkurës tuaj.
Hani yndyrna të shëndetëshme
Në mënyrë që të eleminojë inflamacionin dhe të prodhojë qeliza të shëndetëshme lëkurës i duhen yndrynat e shëndetëshme.
Prandaj mundohuni të konsumoni shumë arra, avokado, peshk apo vaj ulliri.
Antioksidantët
Një nga elementët më të rëndësishëm përsa i përket shëndetit të fytyrës, por edhe të gjithë organizmit.
Për të luftuar radikalet e lira ju duhet të konsumoni një dietë të pasur me antioksidantë të cilat i gjeni tek frutat dhe perimet.
Vitamina C
Vitamina C është esenciale për prodhimin e kolagjenit në trup i cili ka një rol shumë të rëndësishëm në ruatjen e elasticitetit të fytyrës.
Atë e gjeni me shumicë tek kivi, portokalli, specat e kuq, luleshtrydhet, qitro apo brokoli.
Kujdes me aknet
Aknet që mund t’ju dalin herë pas here në fytyrë janë një proces i zakonshëm i trupit që mund t’ju ndodhë të gjithëve ndaj mundohuni të mos ngacmoni ato me duar.
Ngacmimi i puçrave me duar do të përhapë më shumë mikrobet dhe papastërtitë në fytyrë prandaj në vend të kësaj, mundohuni që t’i lini ato të shërohen vetë.
Flini gjumë
Ka një arsye përse quhet i famshi “Gjumi i Bukurisë” në këtë mënyrë.
Gjumi është një nga aleatët më të mirë të lëkurës tuaj pasi arrin ta qetësojë dhe ta pastrojë atë.
Flini çdo natë jo më pak se 8 orë gjumë.
Zinku dhe Vitamina E
Zinku funksionon si një riparues natyral për çdo dëm që mund të keni në lëkurë.
Prandaj konsumoni shumë kungull, fara kungulli apo ushqime deti.
Vitamina E nga ana tjetër njihet si një hidratuese e mirë e fytyrës që e ndihmon atë të qëndrojë elastike dhe të shkëlqejë.
Përtej kapsulave me vitamina E, atë mund ta gjeni edhe tek arrorët, avokado apo peshku./Insajderi.com
