Shkencëtarët po bëjnë thirrje që ministrat të shtojnë vitaminën D në ushqimet e zakonshme si buka dhe qumështi për të ndihmuar në luftën kundër Covid-19, shkruan The Guardian, transmeton Insajderi.
Nivelet e ulëta të vitaminës D, të cilat trupat tanë prodhojnë në përgjigje të rrezeve të forta të diellit, mund të çojnë në një rrezik më të madh të kontraktimit së Coronavirusit ose vuajtjeve të efekteve më të rënda të infeksionit, sipas disa studimeve.
Javën e kaluar, studiuesit në Spanjë zbuluan se 82% e pacientëve me Coronavirus nga 216 të pranuar në spital kishin nivele të ulëta të vitaminës D. Megjithatë, fotografia është e përzier – disa studime tregojnë se nivelet e vitaminës D kanë pak ose aspak efekt në Covid-19, gripin dhe sëmundjet e tjera të frymëmarrjes.
Mungesa e vitaminës D mund të shkaktojë rakitizëm tek fëmijët dhe osteomalacia tek të rriturit – kocka të buta që çojnë në deformime – dhe fëmijët me mungesë të rëndë të vitaminës D janë të prirur ndaj hipokalcemisë – nivele të ulëta të kalciumit në gjak – gjë që çon në kriza dhe dështim të zemrës.
Megjithatë, “Shëndeti Publik Anglia” (PHE) dhe Departamenti i Shëndetit dhe Kujdesit Social kanë refuzuar thirrjet gjatë 10 viteve të fundit për të pasuruar ushqime të tilla si qumështi, buka dhe lëngu i portokallit, gjë që është praktikë në Finlandë, Suedi, Australi, ShBA dhe Kanada.
“Sipas mendimit tim, është e qartë se vitamina D jo vetëm që mund të mbrojë nga ashpërsia e sëmundjes, por gjithashtu mund të mbrojë nga infeksioni,” tha Gareth Davies, një studiues i fizikës mjekësore. “Për fortifikimin e ushqimit do të duhej një planifikim i kujdesshëm që të bëhej në mënyrë efektive, veçanërisht pasi njerëzit tani po marrin suplemente. Marrja e ushqimeve të duhura do të duhet të bëhet me kujdes.”
“Por është e qartë se politika aktuale nuk po funksionon – të paktën gjysma e popullsisë ka një mungesë të vitaminës D”, shton ai më tej. /Insajderi.com
E rekomanduar:
