Zyrtarët haitianë kanë thënë të enjten se shtatëmbëdhjetë persona të dyshuar janë arrestuar në lidhje me vrasjen e presidentit të Haitit, 15 prej tyre nga Kolumbia, transmeton Insajderi.
Shefi i Policisë Kombëtare të Haitit shtoi se tre të dyshuar të tjerë u vranë dhe tetë të tjerë ishin në arrati, shkruan ‘AP’.
Të dyshuarit e ndaluar u detyruan që të parakalojnë para mediave në kryeqytetin, Port-au-Prince.
Duke folur në Bogota, ministri i Mbrojtjes së Kolumbisë tha se raportet fillestare tregonin se të dyshuarit e identifikuar si kolumbianë ishin anëtarë në pension të ushtrisë kombëtare.
Ai tha se qeveria kishte nxitur ushtrinë dhe policinë të bashkëpunojnë plotësisht me hetimin.
Amerikanët e Haitit u identifikuan nga zyrtarët haitianë si James Solages dhe Joseph Vincent.
Departamenti i marrëdhënieve të jashtme të Kanadasë lëshoi një deklaratë që nuk i referohej Solages me emër, por tha se një nga burrat e arrestuar për rolin e tij të pretenduar në vrasjen ishte “punësuar për pak kohë si një truproje rezervë” në ambasadën e saj nga një kontraktor privat./Insajderi.com
