23 persona kanë vdekur dhe 70 të tjerë janë plagosur të hënën në mbrëmje, nga shembja e mbikalimit të metrosë në kryeqytetin meksikan, përcjell Insajderi.
Incidenti ka ndodhur rreth orës 22:00 pranë stacionit Olivos në jug lindje të qytetit.
Sipas zyrtarëve policorë të Meksikës, ky është incidenti më vdekjeprurës në dekada në sistemin e metrosë, shkruan ‘BBC’.
Kryebashkiakja e Qytetit të Meksikës, Claudia Sheinbaum, ka thënë se shkaktari është ende duke u hetuar, por dukej se një traversë kishte lëshuar vendin në mbikalim.
Videot e postuara në internet tregojnë dy pjesë të trenit që u përplasen me njëra-tjetrën në tokë, duke formuar një kënd në formë ‘V’-je./Insajderi.com
