Së paku një person është lënduar në një shpërthim i cili ka ndodhur sot herët në mëngjes sipas kohës lokale, në veriperëndim të Hjustonit, në shtetin federal amerikan Teksas, ka publikuar policia.
Shpërthimi ka ndodhur sot në mëngjes rreth orës 04:25, është dëgjuar me kilometra larg, ndërsa banorët kanë lajmëruar se ka dritare të thyera, transmeton Reuters.
Sipas dëshmitarëve okular, shpërthimi është dëgjuar në gjithë qytetin, ndërsa mbetjet e shkaktuara me shpërthim kanë rënë gjithkah nëpër qytet.
— Joey Charpentier (@BattleNub19) January 24, 2020
Siç pretendohet, dëshmitarët kanë parë së paku një person të lënduar, lajmërojnë mediet lokale.
Shkaku i shpërthimit ende nuk është bërë i ditur, ndërsa policia i ka bllokuar rrugët përreth.
Pas shpërthimit është paraqitur zjarri, për çka zjarrfikësit kanë kërkuar nga ekipet e gazetarëve që të tërhiqen./Insajderi.com.
