120 të burgosur janë zvarritur nëpër gypat e ventilimit, trupi i njërit prej tyre është gjetur i djegur.
Në tentim të ikjes masive nga burgu në veri të Brazilit, kanë vdekur shtatë të burgosur dhe tre janë lënduar.
Siç transmeton AP, ky incident ndodhi të martën, ndërsa zyrtarët e burgut kanë kumtuar se gjashtë të burgosur janë vrarë nga të burgosurit tjerë, dhe se trupi i djegur i njërit u gjet në burg në Altamir si dhe tre të tjerë janë lënduar dhe janë transportuar në spital.
Zyrtarët shtetëror kanë kumtuar se në tentimin e arratisjes nëpër gypat e ventilimit të burgut kanë marrë pjesë 120 të burgosur.
Kapaciteti i burgut është për 208 të burgosur, ndërsa në këtë burg kanë qëndruar 374 persona.
Siç transmeton agjencia, zyrtarët e burgut kanë shtuar se në tentim të arratisjes të burgosurit i kanë shkatërruar grilat, ambulancën dhe zyrat tjerë, dhe se në disa pjesë të burgut madje kishte shpërthyer zjarr i cili së shpejti është shuar./Insajderi.com.
